السبت، 4 أبريل، 2009

شــحــاتــيـــن ولاد شـــحـــاتــيـن







بعد البحث والتمحيص والتفحيص إكتشفنا أن أغنى ناس فى مصر هما الشحاتين ولاد الشحاتين اللى بنكعبل فيهم على كل رصيف وإحنا ماشيين ومش حتصدقوا إن الشحات عنده بدل العربية إتنين وبدل الشقة عمارتين فعلا ً صدق المثل اللى قال الشحات له نص الدنيا ده الشحات دلوقتى بيفتش الناس اللى ماشية فى الشارع وساعات بيتأمر على اللى بندهوله وساعات تانية بيشترط المبلغ اللى هو عايزهبكل بجاحة وأساليب مختلفة وأنا واثقة إن مفيش حد ما إتعرضش لموقف ولا إتنين مع شحات بجح معلش معلش هى دى الشغلنانة اللى بقت بتأكل عيش دلوقتى ومش أى عيش ده كرواسون وباتيهوميلفيه لكن الشغل الشريف العفيف الظريف اللطيف ما يأكلش لقمة حاف دلوقتى لازم نعرف كويس أوى إن الشحاتين دول مش فقرا دول إغنى من اللى بيحسن عليهم وإن الفقير زى ما وصفه ربنا سبحانه وتعالى وقال فى كتابه العزيز:(تحسبهم أغنياء من التعفف) فالعايز يطلع زكاة أو حسنة فالأقربون أولى بالمعروف ودة مش كلامى دة كلام رسولنا الكريم صلى الله عليه وسلم اللى كان عنده حكمة لما قال كده وعشان أثبتلكم كلامى أنا مرة رقدت لشحات وحطيته فى دماغى يوم ألاقيه نايم بالطول على سلم محطة القطار ومادد إيده ويوم ألاقيه واقف على رجله بس ماسك عصايا وتانى ظهره عليها ومرة ثالثة ألاقيه عامل نفسه مشلول المهم إن كل مرة بطقم شكل وفى مكان مختلف عن التانى طب لما هو عنده شلل مين اللى بيجيبه ونيمه على السلم وإشمعنى إيده الممدودة هى الوحيدة اللى لسة ما إتشلتش وبيروح فين وبيقوم إزاى ويتنقل إزاى من مكان لمكان إجابة الأسئلة دى طبعاً تعرفوها لما تشوفوا عربيته موديل ال2009 المركونة بعد كام شارع من المكان اللى بيشحت فيه




27/3/2009 الجمعة



ليست هناك تعليقات:

إرسال تعليق